EFEOk jardunaldia antolatu nahi izan du Fisioterapiaren Mundu Mailako Egunaren harira antolatutako ekitaldien barruan; aurtengo gaia COVID iraunkorra eta errehabilitazioa izan da.
Uste dugu gure esparru profesionalean baditugula teknika eta prozedurak urtebete baino gehiagoz mundua hankaz gora jarri duen gaixotasunaren ondoren suspertzen laguntzeko.
COVID-19aren ondoren, pazienteek mota askotako ondorioak izan ohi dituzte. Paziente gehienengan duen arnasketa-eraginaz gain, birusak beste sistema batzuetan ere eragin dezake, hala nola kardiobaskularrean, giltzurrunetan, gastrointestinalean eta nerbio-sistema zentralean. Honako ondorio neurologiko hauek ere hauteman dira: miopatiak, polineuropatiak, iktusak, buruko mina, zorabioak, nahasmendu mentala, anosmia eta ageusia.
Horrez gain, pazienteen % 40-% 90ek nekea, muskuluetako ahulezia, insomnioa, antsietatea eta depresioa dituzte. Sintoma eta zeinu horiek LongCovid edo COVID iraunkorra izeneko paziente-profil batean identifikatu eta bildu dira; National Institute for Health and Care Excellence (NICE) erakundeak eman zion izena, eta errehabilitazioan diziplina arteko eta banakako ikuspuntua ezarri behar da, paziente horiek dituzten alderdi sozial, emozional eta egiturazko guztiei erantzuteko.
Aurkezpen honetan Guttmann Institutuaren COVID osteko programa azaltzen da.
2020ko otsailaren 28an, Txagorritxuko ospitalea albiste izan zen estatu espainiarreko komunikabide guztietan; izan ere, bertan detektatu zen Covid-19an zuen lehen positiboa. Berehala, 2020ko martxoaren 13tik aurrera, bertan behera geratu zen ARABAKO ESIko Errehabilitazio Zerbitzuan geroratu zitekeen jarduera guztia. Ondorioz, ESIaren bi egoitzetan ospitaleratutako pazienteei arreta emateko jarduerari baino ez zitzaion eutsi. Eskura dauden 54 fisioterapia-agendetatik, 3rentzat baino ez zegoen jarduera TXAGORRITXUko egoitzan, eta 4rentzat SANTIAGOko egoitzan. Egoera horren aurrean, profesional askok ezin izan zituzten egin euren kontratuetako xede ziren lanak.
CoV/PIFa felidoetan, eta beste CoV batzuk beste espezie batzuetan, gaixotasun infekzioso akutua da, eta, ondoren, kronikoa, klinikoki modu aldakorrean aurkezten dena; izan ere, birusa digestio-aparatuan gordailatzen da, baita homeostasi immunitarioa aldatzen duten beste organo batzuetan ere, eta, animaliaren egoera immunologikoaren arabera, birusa aldizka ezabatu egiten da. Zergatik ez luke horrelakorik gertatu behar gizakietan? Administrazioek eta osasun-erakundeek Long Covid gaixotasunaren fase kronikoa ukatu egiten dutenez, kaltetuek elkartu egin behar izan dugu gaixotasuna ikusarazteko eta Euskal Herrian, gaixo garen heinean, ditugun eskubide guztiak aldarrikatzeko.
Gure garunak eta gainerako organismoak inpaktua handia jasan dute, eta ahalegin txikienak ere mehatxua dakar. Garuna berriz hezi behar da, gure bizi-funtzioak lehengoratu ahal izateko berriz gaixotu gabe. Funtzioak lehengoratzeko gidatutako ariketen eta kontrolatutako atsedenaren bidez lortzen da lehengoratze hori.
Fisioterapeutek lehentasuna dute jardunaldian izena emateko; beraz, zu ez bazara eta zure parte-hartzea onetsi bada, baliteke izen-emateak ixtean eta parte-hartzaileen gehieneko kopurua gainditzen bada, mezu elektroniko bat jasotzea zure izen-ematea bertan behera gelditu dela esanez.
C/ Ibarrekolanda 15
48014 – Bilbao
Teléfono: 944 020 155
Email: cofpv@cofpv.org
