ZER DA FISIOTERAPIAREN MUNDU EGUNA?

1996az geroztik, urtero, irailaren 8an ospatzen da Fisioterapiaren Mundu Eguna. Egun hori aukeratu zen World Confederation for Physical Therapy (WCPT), munduko 600.000 fisioterapeuta baino gehiago biltzen dituen elkartea, sortu zen eguna delako. Fisioterapiaren Mundu Egun horretan, Fisioterapiaren lanaren garrantzia hedatu nahi da, gizakion osasun onari eta independentziari dagokionez. Aurten artrosia azpimarratu nahi da.

ZER DIRA ARTROSIARI LOTUTAKO GAIXotasunak?

Artrosia giltzaduretako afekzio ohikoena da. Munduan 520 milioi pertsonak dute artrosia eta ezintasun-maila handia eragiten du mina dela eta.

Pazienteek nahastu egiten dituzte artrosia edo osteoartrosia (OA) eta artritisa; izan ere, mintz sinobialaren hantura kronikoa eta, ondorioz, mina eragiten dituzte, eta mugatu egiten dute mugikortasuna. Artrosia kartilagoaren higadura-prozesua da, eta adinaren, gehiegizko pisuaren, aurretik egindako giltzaduren kirurgien eta genetikaren ondorioz gertatzen da.

ZEIN DA FISIOTERAPIAREN ZEREGINA ARTROSIA DUEN PAZIENTEAREKIN?

Gaur egun, artrosia duten pazienteak diziplina anitzeko ikuspegiaren arabera artatzen dira, eta Fisioterapiak funtsezko zeregina du horretan. Ariketa terapeutikoa lehen-mailako tratamendua da artrosia duen pazientearentzat eta fisioterapeutak hezkuntza-zeregin garrantzitsua du: nola hobetu giltzaduren mugimendua eta nola indartu muskuluak.

Pazientearen mina ariketa terapeutikoaren bidez arintzen bada, sendagai analgesiko gutxiago hartu behar izaten dira eta horrek hobetu egiten du pazienteen bizi-kalitatea, batik bat adineko pazienteen artean.

EFEO ETA FISIOTERAPIAREN MUNDU EGUNA

EFEOk GOIKO GORPUTZ-ADARRETAKO ARTROSIAri buruzko jardunaldi bat egingo du Fisioterapiaren Mundu Eguna ospatzeko, aurtengo gaiari erreferentzia eginez: artrosia edo, testu askotan ageri den bezala, osteoartritisa (OA).

Artrosi kasuen % 60 belaunekoak izaten dira eta ariketa terapeutikoko Fisioterapia tratamenduaren bidez oso emaitza onak lortzen dira, giltzadura horren sintomak aritzen baititu. Hala ere, GOIKO GORPUTZ-ADARRETAKO ARTROSIA hautatu zen berandu trata ez daitezen; izan ere, ezintasun-maila txikiagoa eragiten dute eta pazienteek koadro larriak eta denboran zeharreko bilakaera-koadroak izaten dituzte.

Jardunaldian erpuruko artrosiak tratatzeko baliabideak emango dira, horixe baita eskuko afekzio ohikoena; bai eta sindrome subakromialeko osteoartritisaren eguneratze bat ere. Betiere ariketa terapeutikoaren bidez, artrosia tratatzeko funtsezko baliabidea baita.

PROGRAMA

TXOSTENGILEAK

EGOITZA

IZEN-EMATEA

TXOSTENGILEAK

Belén

Sancho

Goiko gorputz-adarreko lesioetan aditua den Erresuma Batuko fisioterapeuta
Ingalaterrako eskuaren elkarteko kidea.
Zientzia-ikuskatzailea nazioarteko kongresuetan.
Hand Bilbao zentroaren arduraduna.

Nerea

Prada

Fisioterapian diplomaduna (1998, Gaztela Mantxako Unibertsitatea). - Elkargokide-zenbakia: 352 – EFEO.
“Ariketa terapeutikoa sorbaldako patologian” graduondokoko irakaslea
14 urtez aritu da asistentzia-lanetan (lan-patologia, traumatologia eta ortopedia),
eta gaur egun sorbaldako patologiaren arretan zentratzen da.
Physio SET Fisioterapia eta Mugimendu Zentroko zuzendarikidea (Bilbo).
Physio SET app osasun-proiektu digitalaren zuzendarikidea.

Tito

Pampín

Fisioterapian diplomaduna Vigoko Unibertsitatean (2005). Karrera amaierako sari berezia.
Egonaldi klinikoetako irakasle laguntzailea Leóngo Unibertsitatean (2006-2007 ikasturtea).
“Sorbalda, egitura-patologiatik balorazio funtzionalera” eta “Sorbalda, zaila dena erraz egiten” prestakuntza-ikastaroetako irakaslea. Bi ikastaroak online eman ditu.

JARDUNALDIAREN PROGRAMA

09:30 – 09:45

JARDUNALDIAREN IREKIERA

09:30 – 09:40

JARDUNALDIAREN IREKIERA

09:45 – 10:45

ERPURUKO OSTEOARTRITISARI HELTZEA
Belén Sancho

GEHIAGO JAKIN...

Eskua, eta zehazki erpurua, da osteoartritisak gehien erasotzen duen bigarren artikulazioa; erpuruak gorputz-adarraren funtzionaltasunaren % 50 inguru ematen du. Eskua lantzeak giltzadura babestea, funtzionaltasuna hobetzea eta mina arintzea ahalbidetzen duten hainbat estrategia biltzen ditu. Jardunaldiaren helburua da gaur egun zientzia-ebidentzian oinarrituta erabiltzen diren estrategiak ezagutaraztea. 

10:45 – 11:45

OSTEOARTRITIS AKROMIOKLABIKULARRA: BIGARREN MAILAKO AKTOREA ALA PROTAGONISTA?
Nerea Prada

GEHIAGO JAKIN...

OA AK oso ohiko afekzioa da, eta, gainera, oso goiz agertzen da; 30 urtetik aurrera, pertsonen % 90k jasango du. Hala ere, maiz asintomatikoa izaten da eta beste arazo batzuekin batera agertzen da, besteak beste, errotatzaileen zorroaren eta/edo labrum-aren lesioak. Ondorioz, bigarren mailako afekziotzat hartzen da maiz bai diagnostikoan, bai tratamenduan.Hitzaldi horretan, gure pazienteekin Osteoartritis Akromioklabikularrari buruz partekatu behar dugun informazio garrantzitsuena laburbilduko dugu, aintzat hartuta zer aldaketa egin ditzakegun sintomak hobetzeko eta ariketa zehatzak aukeratzean kontuan izan behar ditugun funtsezko alderdi biomedikoak azpimarratuta.
Osteoartritisean Fisioterapiak duen zeregin nagusiari jarraikiz (informazioa, hezkuntza eta ariketa terapeutikoa), behingoz, artikulazio akromioklabikularra izango dugu protagonista.

11:45 – 12:45

OSTEOARTRITIS AKROMIOKLABIKULARRAREN GARRANTZIA SINDROME SUBAKROMIALEAN
Tito Pampín

GEHIAGO JAKIN....

Tradizioz, sorbaldan mina izatea, batez ere jatorri ez-traumatikokoa, espazio subakromiala txikiagotzeari egotzi izan zaio. Akromionaren formarekin batera, artropatia akromioklabikularra da espazio hori txikiagotzea eragin dezakeen egitura‑faktore nagusia. Hitzaldi horretan, teoria hori benetakoa den ala ez aztertuko dugu, horri buruzko zientzia-ebidentziak ematen digun informazioa bilduko dugu eta azken azterlanek eremu klinikoan ematen dituzten emaitzak aurkeztuko ditugu.

12:45 – 13:00

JARDUNALDIAREN AMAIERA

12:45 – 13:00

JARDUNALDIAREN AMAIERA

NOIZ

2022ko IRAILAREN 10n

FORMATUAN

Online

ORDUA

09:30etatik
AURRERA

Fisioterapeutek lehentasuna dute jardunaldian izena emateko; beraz, zu ez bazara eta zure parte-hartzea onetsi bada, baliteke izen-emateak ixtean eta parte-hartzaileen gehieneko kopurua gainditzen bada, mezu elektroniko bat jasotzea zure izen-ematea bertan behera gelditu dela esanez.

INSKRIPZIOA

C/ Ibarrekolanda 15
48014 – Bilbao
Teléfono: 944 020 155
Email: cofpv@cofpv.org